Қазақстан экономикасы тоғыз айдың қорытындысы бойынша 4,7%-ға өсті

Үкімет отырысында Қазақстанның биылғы қаңтар-қыркүйек айларындағы әлеуметтік-экономикалық даму және республикалық бюджеттің атқарылу қорытындылары қаралды, деп хабарлайды Azattyq Ruhy.

Ұлттық экономика министрі Әлібек Қуантыров есепті кезеңде ел экономикасының өсу қарқыны 4,7% болғанын баяндады. Нақты сектордағы оң динамика 3,7%, қызмет көрсету саласында 5,1%-ды құрады. Өсу қарқыны жоғары салалар: құрылыс – 12,6%, сауда – 10%, сондай-ақ ақпарат пен байланыс – 8,4%.

Қаңтар-тамызда республиканың сыртқы сауда айналымы 4,2%-ға өсіп, $91,1 млрд-ты құрады. Экспорт $51,2 млрд-қа жетті, оның ішінде өңделген тауарлар – $16,2 млрд, импорт – $39,8 млрд. Жалпы Қазақстанның оң сауда балансы $11,4 млрд-қа тең.